Cartlannú gréasáin: Féile ealaíon agus cheoil Electric Picnic

Déantar athrú ar an ngréasán go sciobtha agus, mura dtugtar faoi chartlannú, táimid chun eolas faoinár sochaí agus faoinár gcultúr a chailleadh. Teicneolaíocht atá ag teacht chun cinn atá sa chartlannú gréasáin ina mbítear de shíor ag freagairt d’fhorbairtí teicneolaíochta nua leis an eolas sin a ghabháil.

Déanann an Leabharlann Náisiúnta na céadta de láithreáin ghréasáin a chartlannú gach bliain, láithreáin a bhaineann le gnéithe éagsúla den saol in Éirinn, idir oideachas, an pholaitíocht agus toghcháin, idir cheol agus spórt, eolaíocht agus teicneolaíocht, an Ghaeilge agus imeachtaí domhanda. Déanaimid na nithe seo a chartlannú chun leas an phobail agus cuirimid ar fáil iad le gur féidir taighde agus staidéar príobháideach a dhéanamh orthu. 

Tá bailiúchán na Leabharlainne Náisiúnta de láithreáin ghréasáin chartlannaithe ar thairseach na cartlainne gréasáin. 

Féile bhliantúil ealaíon agus cheoil atá san Electric Picnic atá ar siúl ó bhí 2004 ann thart ar Halla an tSráidbhaile, an Sráidbhaile, Contae Laoise in Éirinn. Is féidir cliceáil anseo le súil a chaitheamh siar ar chuid den éagsúlacht ceoltóirí a bhí ann i gcaitheamh na mblianta, ainmneacha a lán ceoltóirí agus bannaí atá i ndiaidh leanúint ar aghaidh le bheith ina bpríomhoirfidigh idirnáisiúnta ó shin ina measc. Agus muid ag dul tríd na cláir ón tréimhse beagnach deich mbliana ó shin, tá ealaíontóirí mór le rá feicthe againn ar nós London Grammar, Kojaque, Aldous Harding agus Lewis Capaldi agus iad ag tosú ar na hardáin níos lú.